楓林小館

营业中

休息中

第一次去，有種感覺係精美小店，都見到有好多熟客仔，服務員對佢哋嘅服務當然就十分好啦，不過對我哋呢啲生客，都算係咁㗎喇。叫咗佢哋嘅招牌菜「招牌紅燒乳鴿王」，「杏汁花膠燉白肺湯」一窩，「豉椒炒聖子皇」，「豉油王鵝腸」，「椒鹽白飯魚」。乳鴿真係好好味，皮脆嫩肉夠Juicy。豬肺湯好飲，三個人飲，每人都飲到兩碗。聖子新鮮，肉質鮮甜，配菜亦都好好味，尤其係個青椒。鵝腸夠爽口，又大碟，啲芽菜朔晒啲豉油汁，好好味，但又唔會食完好頸渴。椒鹽白飯魚住得好脆，好香口👍🏻甜品送咗紅豆沙，中規中矩冇乜特別。