迎囍 (已搬遷) 新店位置

陪外母出巡，行遍灣仔及銅鑼灣，我提意上皇室堡迎喜晚膳，一行四人八點入座，正廳全滿，打邊爐居多，我們被安排坐邊廳，起初得我一抬客，陸續有多人入座， 防疫期間四人一檯，距離相當好。自助水機已成招牌，普洱一般，沒期望，點咗四個餸：酸菜魚，豉椒炒蟶子，椒鹽鮮魷，燉湯一個。酸菜魚當然比唔上大陸好食，但味道 都幾好可以一試；炒蟶子略嫌蟶子大細隻；椒鹽鮮魷正常操作；燉湯材料豐富，有花膠有雞腳，雞腳燉到連骨都可以吞埋，唯獨是茶位費 連加一要接近五百蚊埋單，性價比低，都係早茶下午茶比較抵食。