成都小巷 (已結業)

九龍灣近淘大開咗間成食麻辣雞煲放題嘅火鍋店，原來除咗麻辣雞煲之外仲有麻辣烤魚鍋食，雞煲同烤魚都可以選擇辣同唔辣，$118食麻辣雞煲，仲有其他蔬菜同汽水任食任飲，唔使加一，真係好抵食。今日因為要返屋企食飯 ，所以就買咗麻辣雞煲外賣，落咗單10分鐘左右就可以拎走，返到屋企仲熱，所以都唔使再煲過，打開個盒份量都幾多，香味撲鼻，陣陣麻辣味已經流口水，食落好麻好香，係好正宗嘅四川味，d雞都好滑，完全唔鞋，佢地配菜都幾多，d配菜吸收晒d麻辣汁味，好惹味，下次要試吓佢地個放題先。