南대門

見近排都無點食過韓國野，最近朋友就帶左我去幾多韓國野食既尖沙咀揾食，最後去左有幾間分店既「南大門」。幾間分店都以韓式燒烤為主，但都有唔同既主食俾大家選擇，所以唔洗驚同行既人唔食燒烤。餐廳既環境都比較光亮，每枱係燒烤盤上面都有條抽風管，所以坐得耐都唔會覺得太焗促。

「醬醃特級牛肋骨」($280)：依份牛肋骨是以韓式醬料醃製，燒烤時肉質香嫩多汁，搭配上韓式泡菜和生菜一齊食，口感豐富，係非常值得一試🤤

「辣海鮮鍋」($430)：作為傳統的韓式湯煲，個湯味道夠鮮美，辣味適中，最開心係龍蝦夠大舊，肉質夠彈牙，鍋入面既蔬菜吸曬個湯既精華，非常開胃。但係建議同其他人一齊分享，因為份量比較大，適合2-4人share。

「水冷麵」($90)：黎緊天氣預黎預熱，最岩就係食冷麵，依個韓式冷麵麵條口感爽滑，搭埋醃酸菜，同個酸酸地既湯汁，味道清爽開胃。份量適中，可以當係一道開胃菜或者作為主餐既配菜。