山田海韓國料理

由正宗韓國人老闆坐鎮，入到去一落完單就會送一set八款小食！有泡菜、薯仔、芽菜、菠菜、豆角、海帶、豆干同蘿蔔絲。
個人認為薯仔、菠菜同泡菜係比較好食嘅。呢度啲泡菜辣得嚟偏甜，令人食唔停！

1

前菜

我哋兩個人嗌咗兩個餸，飽到飛起！

辣炒魷魚份量十足，食夠都食唔完咁。魷魚有泡菜嘅甜味配埋好多炒雜菜，成件事好balance。

鐵板炒魷魚

泡菜豆腐煲，送一個白飯。兩個女仔share食啱啱好！同樣都係好足料，個湯係典型白飯小偷。

泡菜豆腐煲

餐廳無提供drink menu，要買嘢飲就要去對面佢哋自家嘅韓式市場，價錢正常餐廳價！

有個加分位係老闆好熱情，成個場個vibe好chill，老闆會一齊乾杯，又會教你正宗燒啤點整！