正潮樓 (富通大廈)

营业中

休息中

本身我好鐘意食潮州菜，所以成日迫我媽周圍試邊間好食～ 佢同我報料話灣仔開左間新既 正潮樓 ，咁我就梗係立即出動啦～～我地散叫咗幾樣野金瓜五谷羹個湯羹係南瓜底，加咗粟米、綠豆、茨實、小麥、薏米等谷物，係好清新既湯品～～蝦棗拼蟹棗係款潮洲經典菜之一，亦都我最鐘意既菜式！蝦棗蟹棗都係炸到金黃色，香脆可口，蝦蟹肉份量算足料，我地都忍唔住食唔停口！糖醋煎伊麵好多嘅潮州餐廳都見到佢～睇睇外面香脆，入面嘅麵仲保持水份，食既時候加砂糖陳醋好惹味～呢款魚露浸花蛤係佢哋嘅招牌菜之一，花蛤會煮熟，再浸泡於用魚露、醬油、蒜、辣椒、香菜等配料所製成嘅生醃汁，令花蛤嘅鮮味得到最大程度上嘅保留，鮮甜味美，肉質飽滿，口感彈牙。