金蜜豐泰國餐廰

营业中

休息中

系熟食中心上面，舖面唔大，不过系门外都放左几张圆枱，好似大排档甘。所有员工都系泰国人，听到佢地倾计都系用泰文。餐牌有啲污糟，价钱唔贵，上菜都几快。生菜包，一碟肉碎，生菜就用个胶桶仔装住上。份量好足，肉碎咬落仲有汁，都几辣，不过就唔似大陆野个种辣，唔谂卫生问题既话都几好食既。酸辣猪颈肉沙律，好辣！无咩菜，净系好多洋葱几条芹菜同2粒蕃茄，不过肉都几多既，但啲菜就唔系几岩我食，同埋辣到我食唔到。泰式炒金边粉，有一只大虾系上面，卖相几吸引，完全唔辣，仲有少少甜，食落唔油腻，只虾都几鲜几爽口，不过除左只虾其实就无肉，净系蛋炒金边粉甘，但都几好食。另外仲可以叫即烧既烧烤，都几正。2个人三样野又饮椰青先二百几，唔算贵。