泰式去骨海南雞
一定要試呢度嘅海南雞，可以話係我食過數一數二好食，雞皮鮮黃爽滑，雞肉超級嫩滑，雞味鮮美，配薑蓉同泰式辣醬，更加突顯到雞肉嘅鮮味。
燒西冷牛扒
牛肉肉味濃郁，肉質鬆軟多汁，牛扒只係用鹽同黑椒簡單調味，就已經突出牛扒嘅原汁原味。
泰式青咖哩
我地揀左青咖哩配雞肉，青咖哩上菜已經聞到好香，青咖哩汁唔太杰身，香料嘅味道香氣撲鼻，辣度同椰汁分量均勻，顯得青咖哩更加惹味，啖啖雞肉軟嫩充滿咖哩汁，用黎送白飯一流！
朋友叫嘅椰青，仲可以刮到椰子肉食。
三色冰，椰汁味幾出，唔會太過甜，仲有三色啫哩喺底。
