🔍中環士丹利街11號Stanley 11 6樓
-----
呢間大阪過江龍鐵板燒餐廳，係日本人主理，師傅同服務員都係日本人，環境日系感滿滿，一入去已經有種「返到鄉下」嘅感覺
🍜 沖繩海鮮炒素麵
素麵炒材料好豐富，麵線吸滿咗海鮮醬汁嘅鮮甜滋味。海鮮夠新鮮，蝦肉緊實彈牙，魷魚爽脆有彈性，配埋啲蔥花同紅椒絲同洋蔥等，味道層次豐富，值得一試。
🥟 琉球韭菜燒賣腐皮包
燒賣同港式嘅燒賣好唔同。腐皮包裹嘅外皮帶點脆口同豆香味。入面嘅餡料混合咗韭菜嘅清香同豬肉嘅Juicy，咬落去肉汁豐富，韭菜嘅微辛味令整體唔會太膩，不錯。
🍢 關東煮系列（蘿蔔、豆腐、薯仔、竹輪）
蘿蔔吸收咗高湯嘅精華，入口柔軟滑溜，帶住淡淡甜味同清香，好中意。豆腐滑嫩似綿，咬一口有淡淡豆香同湯汁爆開。薯仔鬆軟而且甜度自然，配合啲鹹鮮湯底好夾。竹輪有彈牙嚼感，帶少少魚鮮味，暫時香港最鍾意嘅關東煮係佢哋。
🍳 大阪燒
可以自選配料，我就揀咗兩款，魷魚同埋蝦。大阪燒外皮煎得金黃脆口，入面厚實軟綿，蛋香濃郁帶甜味。蝦肉彈牙帶海味，魷魚爽口帶嚼勁，令整體口感有啲層次感。加上醬汁甜鹹適中，底層嘅蔬菜清脆多汁，唔會膩，好有滿足感。
🐖 伊比利亞豬扒
豬扒切得厚身，煎得外脆內嫩，肉質緊實而且帶脂香濃郁。醬汁鹹甜平衡得好好，帶一點炸蒜香，仲有泡菜同埋生菜、洋蔥絲作配搭，每一啖都好層次。
🍹 沖繩香檸可爾必思梳打
呢杯Calpis飲落去檸檬味好濃，清新醒神，酸甜度適中。飲完解渴refresh，好夾鐵板燒。
單據價錢比大家參考：
