牛繁 (MW Plaza) (已結業)

日本風真擋都擋唔住，先係尖沙咀行完唐吉軻德店，再係附近食個日本燒肉晚餐，十級享受！鹽香牛舌首先當然要點最愛既牛舌，果然無令我失望，好彈牙爽身，如果想香口d可以燒耐少少，配埋檸檬汁，啖啖充滿牛香。雞腿肉雖然鋪頭叫牛繁，但估唔到雞肉都咁出色，呢款係雞脾肉，食落好嫩滑彈身！雞皮仲可以燒到脆卜卜😋厚切牛肋條呢款牛肋骨都係必點，侍應哥哥好貼心幫我地燒埋剪埋，仲可以揀幾多成熟，我地喜歡7成熟，但食落都唔會痴牙，仲keep到肉嫩，重牛味！正！牛繁溫泉蛋飯呢款飯都係好有驚喜，如果鐘意食牛角飯既，呢款都一定鐘意，特式醬汁配埋紫菜同溫泉蛋，成個飯都好好味，要添多一碗！整體服務都好好（可能因為早到無咁多人），美中不足係個抽油氣機擋住對面朋友個樣，要側身傾計。