麺屋こころ (軒尼詩道)

营业中

休息中

日本過江龍撈麵：麺屋こころ有期間限定新Menu：山椒麻辣撈麵系列。除咗咗有大辛山椒麻辣撈麵、真鱈白子山椒麻辣撈麵、仲有今次我食嘅肉の地獄🍖山椒胡麻冷撈麵。配料有慢煮豚肉、生蛋黃，辣肉碎、竹筍、紫菜碎、紅洋蔥、炸蒜片、芫荽、腰果。比起佢哋一般嘅撈麵，冷麵更加特顯到小麥麵嘅煙靱程度。辣肉碎加埋腰果、蒜片，有一種另類擔擔面擔擔面嘅感覺。啱晒鍾意食辣嘅朋友。唔食辣嘅，就建議食全料東京撈麵。可以試到佢哋招牌嘅味道。唔夠飽可以食完碗麵剩返啲醬，加入免費添加嘅白飯，包你滿載而歸。小食推介雞軟骨餃子，皮薄，肉餡混合咗雞軟骨。好正。可以試埋佢哋自家泡嘅日本茶，用有機茶葉，茶味好濃，值得一試。