「古早味滷白菜」有上湯浸住，面頭撒上魯肉飯嘅香菇肉粒，娃娃菜鮮甜爽口，調味適中，唔會過咸
「宜蘭蔥餡餅」外皮超薄，煙煙韌韌，一咬落去仲爆出鮮味肉汁！外皮煎到好香口，入面有大量蔥，味道有啲似蔥油
「台灣刈包」舊五花肉好。大。件！！！超厚切，大大塊夾喺煙韌又軟熟嘅蒸包之間，睇見已流晒口水
五花肉嘅皮同脂肪好清爽，滿滿骨膠原，成舊肉肥同瘦嘅部分都整到好彈牙，再加上咸酸菜同花生碎平衡味道同咬口，簡直係畫龍點睛
「豐收飯」超。抵。食！一碗飯配五款肉三款配菜，有牛展、豬腩肉、雞翼、鯖魚、台灣腸，配新香、滷蛋、菜，橫掃晒海陸空！
牛展同豬腩肉都係厚切，前者咬口好正，如果再多少少味會更好，後者半肥瘦但清爽爽口，一啲都唔油膩，鯖魚魚皮微脆，魚肉juicy，台灣腸唔會太濃，米飯粒粒分明有飯香，真係好有誠意！
「燒仙草紅豆芋圓(熱)」叫起至上，粉團有芋頭、紫薯同蕃薯味三種，糖水個人覺得有點兒太甜，紅豆再多啲會更好~
所有食物都係正宗、好味、抵食，而且完全唔會太咸同油，超高質！
