.
🌟海防招牌手切牛柳湯河
湯底清甜，飲完唔會太口渴，河粉滑溜。手切牛柳份量夠，肉質軟嫩，帶少少嚼勁，索咗湯汁之後更加鮮美。係一碗令人滿足嘅湯河，暖胃一流。
.
🌟火車頭湯河
生牛肉片軟嫩，牛腩入味，牛丸彈牙。配料豐富。跟個人喜好加入辣椒同青檸，湯底即刻變得酸辣醒胃，風味更上一層樓，更加惹味。
.
🌟越式拼盤
大蝦春卷皮脆餡足，墨魚餅彈牙鮮美。香茅雞翼醃得入味，外皮香脆。扎肉切片紮實，鹹香適中。四款小點風味各異，同朋友同事分享啱晒。
.
🌟海防滴漏咖啡
冰凍嘅越式滴漏咖啡，口感濃郁醇厚。面頭嘅咖啡泡泡十分綿密。味道苦甜交織，風味獨特。
