但係重慶入面啲咖喱質素就一定有保證
不過今日行過佐敦
心思思想食返個正宗咖哩
係門口聞到係已經非常之香
所以決定入咗去食飯
原來啱啱佢哋爆緊咖喱香料
唔怪之得餐廳外面整到成條走廊都香晒
一坐低佢哋個印度侍應就介紹咗佢哋嘅招牌菜
我哋就決定叫咗Tandoori chicken
係一款印度食烤雞
因為佢係即叫即做
而且仲用埋鐵板上
所以可以保持這烤雞十分之熱
但係雞肉都依然十分之嫩
但係不得不讚嘅就係
雞肉食到骨入面都可以食到佢濃濃嘅咖喱香料
塊面就放左一啲菜同埋洋蔥
不過個底就有少少油
所以我都係食咗少少就算
不過洋蔥就幾香下
另一個呢就叫左白咖哩雞
呢款咖哩入面會加入腰果
估唔到加左腰果喺咖哩入面
會令到個咖哩咁香甜
而且個層次感仲更加多一啲
不過呢間餐廳啲咖喱份量都非常之多
通常食返香港嘅印度咖喱都係一個鐵兜仔好細兜禁
不過呢度就用咗一個大碗上
而且雞肉肉方面都唔少
因為佢用上咗部份雞脾位
所以令到成個再更加好食
之後再叫多咗一個馬來咖哩蝦
呢個咖哩就比較多椰子味
但係個主角蝦就係非常新鮮驚蝦肉
而且已經拆了殻
所以一擺落口就食到
直情啖啖新鮮彈牙蝦肉
當然食咖喱梗係要叫埋Naan
熱辣辣烤好就即日俾我哋
外皮十分之香脆入面就十分軟綿
最後我完全用naan 幫佢哋抹碟咁
食晒所有咖喱汁
似乎日後食咖喱都一定要再去重慶了
