老街 (西洋菜南街) (已結業)

發現新餐廳，平時經過成日都想試下，今日終於有機會啦，約埋朋友仔食我最愛的台灣野老街的裝修好有台灣風味，店面大，座位舒適，都幾岩朋友傾計。餐牌多野食揀，基本的台灣小食，野飲，樣樣有，由於同朋友唔太餓，就叫小小啦😂我最愛的鹽酥雞☺️拼炸豆腐鹽酥雞👍不會炸得太過，雞肉仲可以保持多汁，炸豆腐有驚喜，面層有甜酸醬，好好味啊，外脆肉軟啊。叫了碗細的滷肉飯，嘩控肉粒啊，肥瘦分明，好甘香的肥肉撈飯紅燒牛腩牛筋麵湯底色深，味濃。麵質爽口，牛腩燘到好淋，入曬味，牛筋爽口唔痴牙，飲埋個湯，之後都唔口渴麻辣牛肚川菜口味，朋友一見到就叫了，喜歡個辣椒油。牛肚都燘到好淋👍五味茄子🍆好多木魚絲，茄子有油炸過，略微醬汁多了小小。仲叫了熱柚子蜜價錢非常平民化，都值得再黎👍每人都係$113，不設加一。