更多
2020-03-26
495 浏览
荃湾不嬲多嘢食唔驶讲,可以食到各色各样嘅美食够晒方便,是日约咗好友系荃湾广场呢间老妈拌面聚餐顺便品尝一餐台式美食,点知好友突然有事来唔到唯有自己一个人开餐,呢度主打拌面系台湾嘅地道风味美食之一,餐牌上仲有一系列地道小食俾大家选择,点啱心水系QR code 落单,而我就比较喜欢呢款限定麻辣老锅面有我最喜欢食嘅肥牛,至于面底系用咗关庙面专门店,平时行开759或者大型超市都会买得到呢款刀削面再点多一款小食台式十三香卤味嘅卤牛筋,入口肉质柔嫰有嚼劲,食到啖啖卤水香味接住系麻辣老锅面,眼见肥牛份量十足,而且可以免费加面底很定食得饱满先饮啖香浓麻辣汤底刺激一下味蕾再配肥美嘅肥牛一边食刀削面宽面特别滋味,又逐一品尝埋其他配料,地道台式麻辣鸭血香滑又惹味香脆响铃吸收汤汁精华,仲有两粒爽弹墨鱼汁猪肉丸最后衬番杯老妈黑糖珍珠鲜奶,饮落特别香滑又食到QQ黑糖珍珠咁至一餐完美台湾美食。
张贴