更多
2019-05-28
564 浏览
近排睇左几套bollywood既戏, 成日见到佢地食薄饼呀咖哩呀, 睇到个人都好想食印度菜, 你问我我只系知重庆大厦有, 但系同朋友两个女仔又唔系好想行入重庆大厦, 咁就上网揾下揾下见到依间系星加坡, 泰国, 上海, 北京都有分店, 一定稳阵啦! 就约埋朋友放工一齐去食啦。一出就会望到门口大大个灯箱招牌一入门口就有印度侍应带位, 今晚早左d食饭, 去到只系6点几所以未系好多人。第一感觉系唔错! 干净企理又光猛, 而且空间感好大, 坐低之后先发现全部员工都系印度人, 而且可以隔住玻璃远望到印度厨师系入面整薄饼餐厅播埋印度歌, 好似置身小印度咁呀!Main Menu选择好多, 中英对照而且有埋图片, 果然够国际化呀。墙上面仲有手写既Today Special点菜后侍应就放低碟同餐具, 好得意碟上面铺左块叶。印度烤鸡 $75哩个烤鸡一上枱, 香料味直扑我个鼻呀😂初头惊佢炸得干, 点知咬落去入面鸡肉仲好juicy, 一d都唔会干, 建议要挤埋青柠汁落去, 因为夹埋佢既香料味酸酸辣辣会更加好味!好入味, 而且中间唔干另外叫左依个set $110, 有齐薄饼, 饭, 一碗主菜咖哩, 另外仲有10
一出就会望到门口
大大个灯箱招牌
一入门口就有印度侍应带位, 今晚早左d食饭, 去到只系6点几所以未系好多人。第一感觉系唔错! 干净企理又光猛, 而且空间感好大, 坐低之后先发现全部员工都系印度人, 而且可以隔住玻璃远望到印度厨师系入面整薄饼餐厅播埋印度歌, 好似置身小印度咁呀!
Main Menu选择好多, 中英对照而且有埋图片, 果然够国际化呀。
墙上面仲有手写既Today Special
点菜后侍应就放低碟同餐具, 好得意碟上面铺左块叶。
印度烤鸡 $75
哩个烤鸡一上枱, 香料味直扑我个鼻呀😂初头惊佢炸得干, 点知咬落去入面鸡肉仲好juicy, 一d都唔会干, 建议要挤埋青柠汁落去, 因为夹埋佢既香料味酸酸辣辣会更加好味!
好入味, 而且中间唔干
另外叫左依个set $110, 有齐薄饼, 饭, 一碗主菜咖哩, 另外仲有10款唔同味道既咖哩同配料, 上枱个下净系卖相都拎左唔少分又可以比你试哂唔同口味, 正呀!哩个餐最出色既系佢既薄饼, 个人最中意点咖哩或者白色个个类似sour cream既酱, 另外佢个主菜咖哩鸡系最好味! 好香好浓, 捞下捞下捞哂成碗咖哩汁
芒果奶昔 $35
同场见到好多人都饮, 佢质地杰身得黎芒果同奶味好重, 但又唔会好甜, 清新!
初初到达既时候见到成间铺包括客人都系印度人, 仲以为自己好另类去左人地地头食饭😂不过可能只系时间尚早, 食食下越来越多人入座, 系有香港人黎食既~ 见到有人食个类似竹筒饭既, 侍应系枱边帮你敲d饭上碟, 好似好正咁, 不过太饱啦留番下次试
最尾想赞一赞依间铺头抽气通风做得几好, 间铺唔会充斥住一阵咖哩味, 因为相信大家都试过有d餐厅通风做得唔好, 食完个身同个头发都会沾染左阵味。初头都有d担心因为印度香料味重, 不过依个情况无出现, 果然系国际连锁店, 水准有番咁上下呀
张贴
