更多
2021-07-20
5699 浏览
相信大家如果响市区想食韩国菜既话,尖沙咀金巴利道绝对系你既选择之一,皆因整条金巴利道云集左唔同种类既韩国菜,不论系小菜还是烧烤都好。而其中默默多年努力响金巴利道经营既韩国餐厅,高丽轩就绝对系其中之一!前往高丽轩非常简单,响尖沙咀美丽华商场一向沿金巴利道直行,过左君怡酒店后,就会见到高丽轩既招牌响你面前,而旁边就会有条楼梯深入高丽轩既餐厅。高丽轩采取以人头收费为基础既任食韩烧,小编与老公响晚间黄金时间食个阵,收费就系$278/位再加一,当中如果1-3人光顾就有1.5小时用餐时间;而4人或以上光顾就有2小时用餐时间 (不过小编既意见系绝对放心,实够时间食! 一阵下文再慢慢解释)落单就利用QR Code,以便无接触形式落单。基本上上菜速度非常快,落单后大约5分钟内就会送到,而且每款食物都会利用独立既碟去装住,以免肉汁混合后影响食物本身既味道。而饮品都系自助形式,可以响餐厅入口旁既汽水桶柜任拎,除左大路既汽水﹑茶及果汁外,佢地都推荐试下低糖既混合果汁,由于混合果汁既配搭都几特别,所以大家到时拎个阵可以研究下吧!讲返食物先! 佢地大致有分前菜 (有6款都几好)﹑烧烤食物﹑一品料理,以及汤/饭类。
前往高丽轩非常简单,响尖沙咀美丽华商场一向沿金巴利道直行,过左君怡酒店后,就会见到高丽轩既招牌响你面前,而旁边就会有条楼梯深入高丽轩既餐厅。 高丽轩采取以人头收费为基础既任食韩烧,小编与老公响晚间黄金时间食个阵,收费就系$278/位再加一,当中如果1-3人光顾就有1.5小时用餐时间;而4人或以上光顾就有2小时用餐时间 (不过小编既意见系绝对放心,实够时间食! 一阵下文再慢慢解释) 落单就利用QR Code,以便无接触形式落单。基本上上菜速度非常快,落单后大约5分钟内就会送到,而且每款食物都会利用独立既碟去装住,以免肉汁混合后影响食物本身既味道。而饮品都系自助形式,可以响餐厅入口旁既汽水桶柜任拎,除左大路既汽水﹑茶及果汁外,佢地都推荐试下低糖既混合果汁,由于混合果汁既配搭都几特别,所以大家到时拎个阵可以研究下吧! 讲返食物先! 佢地大致有分前菜 (有6款都几好)﹑烧烤食物﹑一品料理,以及汤/饭类。种类都有唔少,所以响1.5小时内小编与老公都尽力去试唔同既食物,但份量都足够下都试唔哂所有食物,唯有等下次再黎试吧! 牛舌:推介! 牛舌算系厚切形式上菜,所以烧个阵要偏向慢烧,否则就会好易因为过火而令牛舌变硬,但肉质几结实所以口感几好
特级牛颈肉:推介! 牛颈肉烧出黎肉质鲜嫩,食个阵油脂味好香,而相对厚切既情况下令你觉得满足
牛肉:好味! 韩式既牛肉都系以条装既形式去烧,由于系薄切关系,所以烧个阵要留意住火而尽快翻转 (除非想烧成炒牛肉既感觉)
肉眼扒:好味! 肉眼扒因为厚身关系,所以其实都几难烧,建议大家可以用中火俾少少耐性去烧而做到网烧效果 猪颈肉:还好! 小编食既呢份就会比较肥少少,但肉质都算弹口,所以稍为烧耐少少等多余油脂排走后,食落去都几爽口 五花腩:好味! 原以为五花腩会比猪颈肉更惹火而容易烧㶶,但反而烧完后五花腩既边位变脆,食个阵都几得意 羊肉:好味! 食个阵完全唔觉有膻味,烧既方法都似牛肉咁,有需要就可以直接以炒既形式处理 鸡肉:好味! 不过鸡肉就切得比较厚身,所以烧烤既时间会花得比较长,建议可将鸡肉放于一旁既慢烧
另外,小编与老公都试左唔同既一品料理:
泡菜煎饼:唔错! 泡菜味都几香,但如果可以多少少泡菜,甚至铺响面既话会更好。但小编好欣赏佢地系即煎既,上枱个阵仲系好热 他他牛肉:特别!可试! 他他牛肉本身利用可直接食用既牛肉,混合蛋黄,再配少少葱及大蒜咁食。既可以食到牛肉原始既肉味,亦可以因为蛋黄关系而食到滑滑既牛肉 蛋包鱼﹑蛋包虾:唔错! 蛋包既程度比想像中厚,所以当系蛋饼+鱼/虾既食感会比较贴切,但味道虽然无煎饼咁出色但都算唔错 人参鸡汤:唔错! 高丽轩既人参鸡汤以米水既汤底去煮,所以饮个阵一来会有绵绵既米粒,二来都会因为米粒而更带出鸡汤既香味
不断既烧烧烧同食食食后,小编与老公都顶唔顺喇! 连加一大约$300既价钱,虽然用餐时间只有1.5小时,但其实系绝对够时间食;而同时店员都会不断留意每枱既情况而收碟等等,都真系几值得再去试既。 (小编因为坐响收银附近,都不断听到店员处理订位既申请,似乎都几受欢迎呢!)
题外话/补充资料:
如果两个人食惊每款菜式既份量过多而食唔哂既话,不妨响落单时剔选「半份」,咁样食个阵就可以有更多选择更满足吧!
(以上食记乃用户个人意见 , 并不代表OpenRice之观点。)
张贴