名捌月 (已結業)

老友聚餐，又要搵下邊到有好野食，次次去路德圍唔係食泰國野就係食中菜，今次試下佢近旋轉樓梯嗰間西餐廳—名捌月。見佢店舖細細，但係裝修幾企理，坐得夠舒適。叫咗幾個主菜，加錢可轉套餐。雖然價錢唔算平，但係食物質素好OK！最好食係個德國鹹豬手，大大隻，個層皮炸到脆卜卜，而且啲肉一啲都唔乾。另一個大家欣賞嘅菜式係墨魚汁海鮮飯，上邊有一好多料，改墨魚汁好香。仲有一個朋友叫咗澳洲和牛，塊扒真係好大件，見佢切開仲好粉紅，煎得好靚。