The Stadium (已結業)

不論銅鑼灣或是觀塘的The Stadium面積都大到差唔多有成千呎呀! 而且餐廳有得睇波、聽音樂、有得玩又有得食，空間感又大， 真係可以係度hea一個下午。觀塘呢間仲有戶外添，是日下雨，所以冇開放到。餐廳有多達14個侍應，所以唔怕招呼唔周到。而餐廳佈置，餐牌、杯都同球類有關。安格斯牛肉漢堡影相個陣，已經見到牛肉滴緊汁，再配脆口生菜，多汁蕃茄片，半肥瘦煙肉，半融芝士，濃厚沙律醬，口中傳黎濃濃芝士味和牛肉肉汁。薯條炸得香脆唔會太燶，薯仔香而唔油膩，點茄汁得，點沙律醬仲得。烤肉眼牛扒沙律菜新鮮，蕃茄甜美，牛扒5成熟，肉質唔會韌，嫩滑多汁。Rosemary Lemonade顏色好夢幻!檸檬味好香。我隔離枱，無論大人同小朋友目光都離唔開個電視屏幕，因為正播緊足球球賽。