鴛鴦香酥乳酪卷 ($68/ 8件)
2款卷物嘅餡都一樣，有青瓜、炸豬扒、紅色類似酸蘿蔔嘅漬物 (我成日係素食店嘅壽司見到，但唔知叫咩)，綠色嘅卷物表面撒有海苔，而棕黃色嘅卷物表面就係素肉鬆。卷物表面嘅乳酪醬有好濃嘅wasabi味，整體味道好豐富。
蕃茄濃湯田園餃子 ($48/ 碗)
我好鍾意佢呢到嘅蕃茄濃湯，酸酸甜甜好開胃，雖然我唔知有冇落到味精，但我都有飲咗幾啖。餃子嘅餡料主要係椰菜同粟米，餃子皮同椰菜都煮到好淋，我覺得餃子皮再硬身少少會更好食。
雜菜蕃茄肉丸焗意大利麵 ($78)
我覺得呢碟意粉比之前食嘅大碟咗，佢係肉醬意粉加雜菜同肉丸，雜菜有菜心、白菜同西蘭花。肉丸好香菇味，口感較結實同韌。
