Ikigai Concepts (已結業)

難得放假期決定約朋友一齊聚一聚，大家都喜愛食日本菜，所以一致決定要去我食過，覺得好食既日本餐廳。之前已經去過一次，試過佢哋嘅壽司，非常新鮮。所以今次就試吓其他菜式，點左特上刺身盛，香煎北海道帆立貝配莎莎醬，牛油果同吞拿魚他他配魚子醬，免治雞肉棒。牛油果同吞拿魚他他配魚子醬，賣相好靚，黎到島發現居然有金箔同魚子醬，好驚喜，成個配搭食落好夾，味道好有層次。特上刺身盛刺身方面一如既往地都好新鮮又厚身。香煎北海道帆立貝配莎莎醬，完全唔干，蘑菇都好好食，正！免治雞肉棒，雞肉好嫩，炭火燒完，更加香！