別忘了

营业中

休息中

荃灣千色匯新開左間裝修幾靚嘅台式餐廳，門口已經見到入邊好多櫻花樹+小木屋嘅裝飾，睇落去好打卡～所以就搵晚來試吓！座位就安排係櫻花樹下，menu設計都好用心，以櫻花作為主題，好似一本畫冊咁。另外仲附送兩張小書簽，都係比大家寫上願望，掛上櫻花樹上面許願🤗晚市二人套餐$198包含咗台式小食九宮格+櫻花蝦炒飯/滷肉飯/紅燒湯麵（三選二）+兩杯芒果紅茶九宮格好特別，影相效果一流！包含咗鹽酥雞、花枝丸、甜不辣、醉雞、滷蛋、肉鬆豆腐、肉燥青菜、台式香腸同埋炸魷魚鬚。每款份量唔會好多，試少少過吓癮！滷肉飯啲肉肥瘦適中，汁嘅份量都充足，最啱撈埋白飯食～跟餐嘅飲品係芒果紅茶，唔會太甜，淡淡的芒果味。另外再加錢跟咗一杯別忘了水果茶，入面有多款唔到水果嘅果粒，配搭紅茶底，口味清爽豐富。綜合芋圓仙草凍$58唔算好大碗，配料就有唔同口味嘅芋圓同埋仙草，味道都唔錯，不過就稍為貴咗啲。