好耐冇見既舊同事~今日約左係佢放工附近既中環區食下野呻下生活
佢推介呢間間唔中LUNCH都會黎食既泰式燒烤, 好少食呢頭既我一於順佢意試一試
大mon menu show左 燒烤食物同飲品~
1
詳細menu就有埋其它小食主食~我地咩都叫d試下
最後我地叫左呢d, 先開支somersby relax下先~
酸辣鳳爪~
好大碟下, 兩個人有少少後悔叫左, 食完都飽左一半咁
酸酸辣辣好開胃, 鳳爪數量又多又冇骨, 懶人至愛~
未食完沙津燒烤就熱辣辣上枱~連埋另一杯飲品mojito~
燒魷魚係d明知好唔健康又忍唔住叫既邪惡小食~
燒肉都好大粒下~呢個係牛肉, 雖然叫左小辣, 但係已經好刺激~
燒得好香~ 牛肉唔會韌, 幾好
豬頸肉就薄身少少, 比起牛肉冇咁有咬口, 但係燒到脆脆地好正~
牛仔骨比起一般ribs多少少肉, 但係因為個燒汁加左少少辣又好惹味~
除左串燒我地仲叫左個青咖哩飯比我無飯落肚唔飽既舊同事~
椰汁幾香~青咖哩普遍唔會太辣, 岩晒我地~
咖哩份量好多下, 送完飯都有剩~
