美心MX (已結業)

12月29日, 今日夜晚要準備開party~ 所以一早就同呀比一齊去辦貨, 體力勞動之前梗係要先食飽個肚啦! 因為夠早起身, 可以喺11點前去美心食個standard早餐~::: 羅宋湯通粉 + 腸仔炒滑蛋多士 + 熱阿華田 ::: $19羅宋湯通粉蔬菜幾多, 通粉份量亦唔少~ 羅宋湯味道酸甜適中, 雖然有點人工,但總算清新開胃! 炒滑蛋就未免太孤寒… 細份得好似比人食過咁! 食落唔算話好滑, 但就頗油膩… 記得以前美心嘅招牌排包多士好好味, 而家換上厚多士味道當然無得比, 但白麵包多士咬落都算鬆軟, 不過不失啦.熱華田出乎意料地香濃, 甜度適中, 不錯~::: 五香肉丁米粉 + 火腿煎蛋多士 + 熱奶茶 ::: $19火腿好似冇煎過咁, 雖然味道都冇乜分別, 但係感覺有d求其. 太陽蛋都算幾好, 唔會有燶邊, 個蛋黃都幾濃郁~ 肉丁米份量可以接受, 肉丁叫做多, 只不過個湯底冇乜味, 加咗肉丁d油都略嫌有d淡.呢個熱奶茶喺快餐店嘅質素嚟講已經唔錯, 茶味濃, 奶味甜得嚟又唔會太搶~因為平時太遲起身所以都好少機會食到呢d連鎖快餐店準時11點收爐嘅早餐~ 今日偶然一試其實都覺得ok嘅,