甘味讚岐手打烏冬 (已結業)

今日有啲雨所以就決定唔行咁遠，出完街喺附近商場食個晚飯。因為時間都頗夜而見到呢一個門面都幾企理，就入去食。呢度嘅點餐同一般日本料理點餐唔同，竟然係自己寫個餐號碼，寫好哂先交比啲侍應。方便係方便，但好怕寫錯號碼。差一個號碼就已經會唔同野食，所以交上去之前我都要睇多次先，以免點錯。個人覺得咁樣係方便佢地做野，但對顧客黎講就多左個點錯餐嘅問題。薄切肥牛蕃茄湯讚歧手打烏冬 $58肥牛食落去的確係幾好食，啲脂肪比例幾好，所以唔會食落口嘅時候覺得會太肥膩而膩口。咁相對地我會覺得佢切得太薄，冇左個口感。但總括黎講，加上個蕃茄湯底食，係比左蕃茄搶左個主角走，肥牛相對上冇左佢嘅味道。三文魚壽司 跟餐+$14其實份量上相對係小左啲，三文魚鮮味十足，不過啲飯就較為鬆散左小小。軟殼蟹沙律冷讚歧手打烏冬定食 $118軟殼蟹嘅熱加上沙律同冷手打烏冬嘅凍，新奇係新奇但我唔係太中意個感覺，覺得有少少格格不入咁。獨立黎講，軟殼蟹係幾好食嘅。啲手打烏冬都好有口感，唔係啲粉狀烏冬。沙律嘅就係啲蕃茄仔幾好食，唔會太酸。同埋一開始我唔記得左落個汁，搞到手打烏冬冇味。定食刺身四點盛（跟定食）四點分別係：蟹柳，三文魚，北寄貝，甜蝦