小糖鈕 (已結業)

一直以黎都想去呢間小糖鈕。早在元朗工作時就一直想搵機會試，不過小糖鈕亦搬出元朗。因為網上評價頗高，所以晚餐後就同男友專程黎到尖沙咀試一試。餐廳位置於爵寓3樓，主題當然就係一粒粒鈕啦。餐廳環境舒調，好適合聚會。旁邊就有食客慶祝生日，甚至紀念日都有。雖然印象中餐廳以甜品為主，不過亦有不少主菜正餐選擇。不過我地目的當然係甜品啦。不過甜品選擇太多，樣樣都想試，所以就煩請老闆為我地推介左其中2款。上菜後老闆會係每樣甜品逐一介紹其做法，用料同食法，令食客對每樣甜品更加明白。冰鎮玫瑰荔枝燉蛋燉蛋底下放住乾冰，上枱已經不斷可以見到乾冰溶化而成氣體，賣相超級正呀！上面仲有2個由牛油脆片造成既玫瑰花，整碎之後配埋香滑既玫瑰荔枝燉蛋，口感豐富。柚輪(蜜柚芭菲拿破倫)鬆松半圓形既拿破倫圍住蜜柚味既雪芭，雪芭入面有一粒粒既蜜柚。外面有新鮮既柚子肉伴係旁邊，帶點清新。2款甜品都會有鈕型朱古力伴碟。最後點了2杯荔枝梳打，梳打入面亦放了乾冰令氣泡不斷湧出，夠哂過癮。店內環境舒適，加上店員態度親切，多跟老闆交談亦可能有所得著。