吃吧 (僑建大廈) (已結業)

周末與朋友喺旺角shopping🛍️咗成個晏晝，係時間要食晚餐，腳又攰，想有個坐得舒服嘅地方食好嘢，朋友就出主意，帶咗我上嚟呢間樓上嘅餐廳 chill 吓。🥗慢煮三文魚柳配水牛芝士牛油果沙律$108 朋友話呢度有生酮飲食，呢期我想健康啲所以見到有都會試吓；牛油果🥑同沙律菜都新鮮，水牛芝士好香滑，三文魚煎得好香口，成個組合好好味。🐟檸檬牛油煎比目魚柳配忌廉椰菜花飯$168比目魚薄薄哋一塊，外皮煎到脆卜卜，比目魚肉就軟熟好味；椰菜花切碎晒變咗椰菜花飯，健康又容易入口。🐷蘋果木煙燻西班牙豬扒$188店員把食物送上，然後輕輕揭開蓋，睇住煙燻瀰漫，幾得意🤭，西班牙豬肉切成Bitesize，入口方便，有少少咬頭，仲有淡淡嘅煙燻木香，好食😋。🍋西柚檸檬氣泡茶$56少少甜，有西柚仲有檸檬就梗係清新啦；個壺蘆形狀嘅杯亦都得意。🌹玫瑰百合花茶$46淡淡嘅玫瑰味，清香低調好飲。呢間樓上小餐廳坐得舒服，感覺溫暖，輕輕鬆鬆食咗一餐健康嘅晚餐，消除咗shopping完一個晏晝嘅疲累。