更多
2016-10-10
1754 浏览
乐厨，我光顾左5次，今次，系隔左一年先去。点解去5次食私房菜，我唔喜欢烦，食过觉得唔会太差，就去，加上有间房，可以约朋友倾计，尖沙咀又近大家。我系第一次写食评，有乜原因引发写，系想分享下，俾大家知道一些事。。。今次，我同男朋友请兄弟姊妹食饭，大家聚会，乐厨岩岩我谂起的一个地方。食饭前，我以whatsapp 方式订台，同何小姐一直沟通，讲明今次系请客。前一日，我以whatsapp 同何小姐讲人数有所更改，改为9位，我知当时已经好夜，我估都会冇人覆，点知系夜晚11点几得到回覆，话可以，何小姐仲系第二日回覆我多一次:您好!温馨提示：非常谢谢你预订今晚10月9日，(星期日)9位，$238／位套餐的晚宴，甜品默认是香芋丸，谢谢支持!🙏🏻😊时间:约7pm我们只收现金，谢谢!提提你~乐厨地址：尖沙咀漆咸道南119C号丰景大厦，8楼C室（入口开在：柯士甸路 永业大厦对面 请按门钟 请进）请通知相关朋友，谢谢支持!🙇😊乐厨／何小姐当天，当人齐时，开始食饭了，点知上的第一道汤上左十位，当时，我地觉得好奇怪，就资讯一位员工，距坚持讲我地系订左10位，之后我叫距问下个老板娘，姐系何小姐个家姐，距负责煮野食，
点解去5次食私房菜，我唔喜欢烦，食过觉得唔会太差，就去，加上有间房，可以约朋友倾计，尖沙咀又近大家。
我系第一次写食评，有乜原因引发写，系想分享下，俾大家知道一些事。。。
今次，我同男朋友请兄弟姊妹食饭，大家聚会，乐厨岩岩我谂起的一个地方。食饭前，我以whatsapp 方式订台，同何小姐一直沟通，讲明今次系请客。
前一日，我以whatsapp 同何小姐讲人数有所更改，改为9位，我知当时已经好夜，我估都会冇人覆，点知系夜晚11点几得到回覆，话可以，何小姐仲系第二日回覆我多一次:
您好!
温馨提示：
非常谢谢你预订今晚10月9日，(星期日)9位，$238／位套餐的晚宴，甜品默认是香芋丸，谢谢支持!🙏🏻😊
时间:约7pm
我们只收现金，谢谢!
提提你~
乐厨地址：尖沙咀漆咸道南119C号丰景大厦，8楼C室（入口开在：柯士甸路 永业大厦对面 请按门钟 请进）
请通知相关朋友，谢谢支持!🙇😊
乐厨／何小姐
当天，当人齐时，开始食饭了，点知上的第一道汤上左十位，当时，我地觉得好奇怪，就资讯一位员工，距坚持讲我地系订左10位，之后我叫距问下个老板娘，姐系何小姐个家姐，距负责煮野食，个员工拎番果碗汤。何小姐个家姐入到来，都系话我订左10位，当时，我请距问番距细妹何小姐，了解下当时情况，到家姐了解清楚，就话以为我地系十位，话今朝准备左条靓鱼，又话准备只大鸡，材料准备好了，我地唔知距想讲乜。
过左阵，距拎番碗汤入来，话整好左，叫我地饮多一碗，唔好哂，当时我地话唔要，个家姐仲系要放入来，因为系请客，搞到当时气氛好尴尬。
之后每次上菜，都系以10位计算，其中一位朋友话点解要迫我地食10人份量，因为好多我地都食唔到，仲坚持要上10位。另一个朋友话贵店屈我地收多一位钱，好过分。因为系请客，我同男朋友唔想搞到甘劳气。
到埋单时，成为2380即系收左10位价钱，果下我地真系好无奈，而其他朋友都觉得乐厨老屈我地，叫我show番whatsapp同个家姐对质，男朋友唔想烦，俾左2400即走人。
本来仲有几次聚会都系想去乐厨，依家的心情，系大失望，因为我发whatsapp 问何小姐，距话了解清楚再回覆，原来件事系甘复杂，要了解一日一夜都覆唔多，哈哈。。。
张贴