◾️白玉焙茶戚風🍰
好靚嘅賣相！表面灑上焙茶粉，加幾粒白玉做topping。cream比一般市面嘅無咁甜，香滑綿密，但蛋糕略帶少少苦，不過茶味重而突出，軟熟濕潤。整體唔甜，中意食茶味蛋糕嘅應該會幾中意。
◽️豚肉山藥泥沙拉冷麵 - 午市套餐🥗🍜
個冷麵有驚喜！雖然個樣就的確唔算好吸引，但係麵質好滑身，沙律配上柚子醋同芝麻醬，令個汁酸酸甜甜，好開胃！😙灑上白芝麻令到整個麵更香～🧅生洋蔥就好辣，唔中意食可以夾走～豚肉係五花腩，份量都多。本身山藥泥無咩味，滑身，有一粒粒口感，同其他食材撈埋一齊好易入口。😋
當日前菜係青瓜🥒，加上少量木魚絲，清新可口。份量方面，唔好睇佢好似唔係好多，但係其實好飽！（女仔嚟講）😯
Ice Americano要額外加$5，但係唔好飲，偏苦，咖啡味唔明顯☹️建議揀另外兩款飲品🥤。
✨包括主食＋味噌湯＋前菜＋日替甜品＋飲品✨
✨呢個係週末或假日餐牌✨
✨ 跟餐飲品仲有桂花烏龍茶同西柚冰茶✨
炸雞定食同壽喜燒定食都多人揀，有興趣都可以試下！👀環境幾relax，空間感大，播放舒服純音樂，自己食都唔會尷尬(至少我無)～如果坐榻榻米就最好book咗位先～🎐
