日月堂

营业中

休息中

榮獲開飯熱點的2022東南亞菜同觀塘最優秀開飯獎狀--日月堂。牛三寶麵-牛肋條同埋牛腱炆得好腍，入口容易分開。牛筋腍得彷彿似啫喱。湯底有紅蘿蔔味，有花椒，芫荽，青蔥。偏甜。蚵仔煎-啫喱黏黏的東西幾特別，而且入咗蚵仔嘅味道。面頭醬汁係甜嘅。麻辣雲吞拌麵-醬汁有麻辣，青蔥，蝦米，炸洋蔥，等。唔太辣，多重口感。刀削麵彈牙。雲吞有韭菜,豬肉都係新鮮靚嘢。酥炸魷魚-鹽酥去炸新鮮嘅魷魚鬚。味道濃郁，豐富口感，食上癮。凍黑糖珍珠奶茶(胚芽，珍珠)-唔甜，滑奶感。熱芋頭鮮奶（珍珠）-用嘅奶都幾靚撞落香芋甜味超正。溫暖入胃。珍珠超腍。音樂選擇都幾新穎。都係台灣熱點歌曲。周末打工時段都好旺場。