更多
2020-01-23
1093 浏览
将总结写喺第一句，Yakiniku Great真系一试难忘，值得再去。寿司嘅Omakase 就成日见，但系真系第一次食烧肉嘅Omakase！店铺除咗会精选是日最正嘅部位之外，仲会一边讲解帮我哋烧埋，咁就唔使怕自己糟蹋咗旧和牛😋我亦到好享受知道自己食紧只牛边一part 再感受佢哋分别嘅𠮶种感觉～今次叫咗最贵嘅"OMAKASE GREAT"前菜“和牛他他“配咗一块法包，就咁食，同配法包食两种食法都好正。8个cut之中，我个人印象最深嘅分别系Misuji, Tougarashi 同最后嘅ChateaubriandMisuji,入口开始融化但系又有咬落去依然系非常有质感。唔似有时食d和牛太肥，剩系食到食口油，都冇肉味。好正😋Tougarashi, 半熟嘅和牛加上木鱼高汤，一浓一淡相辅相承，食到尾段来一道解腻的，非常合适～Chateaubriand, 呢个真系大开眼界，可以话系成晚入面最画龙点晴嘅一个cut!一开始见到咁厚切嘅肉，你系真系唔会估到佢入口系可以咁柔软，所以纤维同油脂都毫无抵抗咁接受咗命运。最过份嘅系，咁正嘅牛肉，佢仲加埋北海道海胆同Yakiniku Great嘅特制酱汁。佢地每一样
寿司嘅Omakase 就成日见，但系真系第一次食烧肉嘅Omakase！
店铺除咗会精选是日最正嘅部位之外，仲会一边讲解帮我哋烧埋，咁就唔使怕自己糟蹋咗旧和牛😋
我亦到好享受知道自己食紧只牛边一part 再感受佢哋分别嘅𠮶种感觉～
今次叫咗最贵嘅"OMAKASE GREAT"
前菜“和牛他他“配咗一块法包，就咁食，同配法包食两种食法都好正。
8个cut之中，我个人印象最深嘅分别系Misuji, Tougarashi 同最后嘅ChateaubriandMisuji,入口开始融化但系又有咬落去依然系非常有质感。唔似有时食d和牛太肥，剩系食到食口油，都冇肉味。好正😋
Tougarashi, 半熟嘅和牛加上木鱼高汤，一浓一淡相辅相承，食到尾段来一道解腻的，非常合适～
Chateaubriand, 呢个真系大开眼界，可以话系成晚入面最画龙点晴嘅一个cut!一开始见到咁厚切嘅肉，你系真系唔会估到佢入口系可以咁柔软，所以纤维同油脂都毫无抵抗咁接受咗命运。最过份嘅系，咁正嘅牛肉，佢仲加埋北海道海胆同Yakiniku Great嘅特制酱汁。佢地每一样野分开都已经系一番美味，合埋一齐食意外地又唔会互抢风头。最后一道明明已经饱饱地，但系个胃系自动制造咗空位俾个饭。真系好正。6分钟的等待系非常值得。
最后仲想提一提佢个素面。素面系基本食材，本身都唔expect会有d咩惊喜。但系佢呢个素面嘅弹牙程度真系令我吓咗一跳咁弹。弹到我对素面又有咗新嘅认知。
真心好正嘅用餐体验！！Yakiniku GREAT!!!!!
张贴
