影片
更多
2022-09-16
840 浏览
食肉獸出動! 琴晚去咗 ❥⧽和牛燒肉一郎 ❥⧽ 食放題, 本身已經打算大吃特吃, 所以就揀咗最貴嘅黑毛和牛放題。餐廳環境好寬敞, 全部都係卡座位, 坐得好舒適。飲品/ 甜品/ 雪糕/ 沙律劃分喺餐廳一邊, 就算多人拎嘢都唔使左閃右避, 規劃得唔錯。我地張枱側邊仲有智能路軌送餐, 睇住d 肉送嚟送去好得意。𓊈日本產黑毛和牛放題 Course D $𝟠𝟠𝟠 + 𝟙𝟘%𓊉呢個套餐有齊 9 款和牛, 包括和牛肋肉, 和牛肋條, 和牛西冷, 和牛肉眼, 和牛薄炙牛肋肉, 和牛里脊肉, 和牛薄炙里脊肉, 和牛薄炙 壽喜燒里脊肉同埋和牛牛肉角切。除咗和牛之外, 仲可以食埋其他 Course A, B ,C 嘅嘢, 簡單嚟講, 就係 Menu 入面嘅任何嘢都可以叫, 可以爽住食。➺ 極上和牛夏多布里昂一個個錦盒咁拎嚟真係好精緻呀, 塊和牛嘅雪花紋好均勻, 上面仲有金箔㗎, 側邊有個兜仔裝住蒜片牛油, 放落爐加熱, 然後蘸點塊和牛嚟食, 令到本身已經好軟腍嘅和牛更加順滑, 好好食! ➺ 是日寶箱 ✧ 和牛西冷塊西冷好有仙氣, 好啱打卡。店員好好咁問我地使唔使幫手燒, 我地可以偷懶就當然交比店員燒啦。望住
𓊈日本產黑毛和牛放題 Course D $𝟠𝟠𝟠 + 𝟙𝟘%𓊉
呢個套餐有齊 9 款和牛, 包括和牛肋肉, 和牛肋條, 和牛西冷, 和牛肉眼, 和牛薄炙牛肋肉, 和牛里脊肉, 和牛薄炙里脊肉, 和牛薄炙 壽喜燒里脊肉同埋和牛牛肉角切。除咗和牛之外, 仲可以食埋其他 Course A, B ,C 嘅嘢, 簡單嚟講, 就係 Menu 入面嘅任何嘢都可以叫, 可以爽住食。
➺ 極上和牛夏多布里昂
一個個錦盒咁拎嚟真係好精緻呀, 塊和牛嘅雪花紋好均勻, 上面仲有金箔㗎, 側邊有個兜仔裝住蒜片牛油, 放落爐加熱, 然後蘸點塊和牛嚟食, 令到本身已經好軟腍嘅和牛更加順滑, 好好食!
➺ 是日寶箱 ✧ 和牛西冷
塊西冷好有仙氣, 好啱打卡。店員好好咁問我地使唔使幫手燒, 我地可以偷懶就當然交比店員燒啦。望住塊西冷, 由生慢慢變熟, 真係流曬口水, 一放入口, omg, 好好食呀! 真係入口即溶, 充滿和牛油脂同香氣。
➺ 花畑Box
呢個錦盒放到 d 肉好似一朵朵花咁, 就咁睇已經食指大動。裡面有和牛肋肉, 和牛里脊肉, 里脊肉, 牛外横隔膜, 豚肋肉同牛舌。除咗牛肉好味之外, 豚肉都唔可以忽視, 充滿肉汁, 好味!
➺ 4種類和牛の階段盛
可以直接試曬 4 款和牛, 試啱邊一種之後再 re-order, 個人比較鐘意食牛肉眼同牛西冷, 肉同脂肪比例都好好, 充滿油脂香, 肉質軟腍。
➺ 和牛薄炙牛肋肉
牛肋肉切到薄薄一片, 相對地容易控制火喉, 燒得剛剛熟然後配埋枱上嘅岩鹽, 提起牛肉鮮味, 口感又好好!
➺ 炙燒壽喜燒壽司
雖然呢塊肉無咁多雪花紋, 但係燒出嚟配埋枱面嘅燒肉汁一齊食都真係好 juicy, 連埋舊飯一齊食, 減少油膩感, 好味呀!
➺ 飲品
有不同汽水可以揀, 另外仲有餐廳調配嘅菠蘿青瓜水, 檸檬梳打, 蘋果汁等等可以選擇, 同時亦有唔同茶包可以沖熱水飲。
➺ 甜品/ 雪糕
有 5 款甜品可以揀, 有埋製造日期寫喺隔離, 感覺令人安心。而雪糕方面, 全部都係明治/ 日本牌子, 個人最鐘意抹茶朱古力雪條, 濃濃抹茶味。
➺ 沙律
食肉之外, 一定要食d 蔬菜平衡吓, 呢度有沙律菜, 車厘茄, 粟米, 甘荀等等提供。
✧✧ 整體嘅和牛都好高質, 除咗牛肉, 豚肉同雞肉, 仲有海鮮可以選擇, 環境又坐得好舒服, 另外, 餐廳仲好細心咁提供咗圍裙, 燒肉都唔怕彈污糟, 呢度真係一間好值得去嘅燒肉店。
極上和牛夏多布里昂
27 浏览
0 赞好
0 留言
是日寶箱 ✧ 和牛西冷
33 浏览
0 赞好
0 留言
花畑Box
18 浏览
0 赞好
0 留言
4種類和牛の階段盛
21 浏览
0 赞好
0 留言
和牛薄炙牛肋肉
41 浏览
0 赞好
0 留言
炙燒壽喜燒壽司
1007 浏览
2 赞好
0 留言
牛油大蝦 & 蒜茸牛油帆立貝
37 浏览
0 赞好
0 留言
特選拌生牛肉
24 浏览
0 赞好
0 留言
飲品
26 浏览
0 赞好
0 留言
雪櫃
21 浏览
0 赞好
0 留言
张贴
