香港仔魚蛋粉 (已結業)

今日因有購物所以出尖咀，咁今日都幾肚餓，買完就唸住行去食老麥，但咁岩又經過見到香港仔魚蛋粉，我向旺角食，十分好味，咁就入去試試，雖然一入去有卡位比我坐，但可以坐成五分鐘都無人招呼！仲要叫佢落單，又轉個頭去寫第二台客，十分激氣！難道香港而家真係只做自由行﹑遊客生意？香港人唔使食？咁好喇，我經過一輪苦叫，終於茖到單，同時，我對面坐左兩個大陸女仔，我唔係歧視，佢地一個叫肉燥飯﹑一個叫焗飯，跟住肉燥飯黎左，我心唸，可能我牛河都炒檔瓜，等多陣囉，但係另一個女仔既焗飯都到左喇，係焗飯呀！我都未到碗腩河，之後又幾經辛苦下先叫到個人應我追單，好似求佢落單求佢做我生意咁，先攞過黎，跟住碗野好似一堆脹粉咁，D腩肉又老又細舊，極之差！