呼吸星球

营业中

休息中

尋日女友打電話 book咗今日 1 pm 去呢間 Fullcup Cafe食 lunch, book檯聽電話位小姐講明如果遲多個五分鐘到就唔會留枱要當 walk in 排隊。所以我地今日都準時1 pm到達但去到後，個 waitress 話暫時未有檯，要我地係門口等下。於是我地就乖乖係門口等。直到約 1:20 pm, 有位紋身胡鬚大叔就出黎話仲未有檯，下張會到我地。於是我女友就好禮貌咁同佢講，点解我地訂咗檯都仲要等咁耐？個位紋身胡鬚大叔話因為佢地無限D客坐幾耐，所以唔知佢地幾時走？我女友聽到後就客氣地比個溫馨提示佢，建議之後定番每張檯既用餐時間，咁樣咪可以更有效去預計每張檯既使用時間囉！估唔到呢句友善既提議係換黎呢位大叔大聲話：我做生意咁耐唔駛妳教！我衣家唔做妳生意喇！妳走！面對呢個咁無理既紋身胡鬚大叔，我地當然唔會幫襯但亦都無同佢一般見識！但我覺得佢除咗冇守訂檯呢個承諾之外，直情係無待客之道，佢既心態只係當食客係搖錢樹，所以可以不守承信亦毫無禮貌去對待黎支持佢既客人！真的，真的極度失望！以上百份百真實個案，請各食客留意！