南記粉麵 (黃埔天地奇妙坊)

营业中

休息中

作為一個芫茜控，行過見到有呢個「芫茜蓉米線」即刻對眼發曬光；更重要嘅係芫茜「蓉」而唔係純芫茜「湯」，令件事更吸引！盛惠$53大元，米線同湯底分開上。米線丶皮蛋丶芫茜丸，同大大塊嘅嘅炸豬扒裝埋一碗，芫茜蓉湯另上。急不及待將啲芫茜蓉湯倒落米線入面，撈一下啲米線擺落口… 嘩，真係好得呀，芫茜味喺口腔爆發出嚟，一啲都無欺塲！可能放湯淥耐咗，啲芫茜丸就淡口好多，食落冇乜肉味估計係豬肉丸，如果佢比粒山竹牛肉，可能會正好多。塊炸豬扒大就大啦，不過冇任何味道之餘仲好乾身，好似食緊條柴咁。總括嚟講$53蚊，有好大程度係俾咗落，一塊好掂嘅豬扒度，雖然芫茜味夠，不過真係唔值呢個價錢！芫茜蓉湯米線：👍🏽👍🏽👎🏽👎🏽👎🏽後話，個餐會跟埋芫荽味可樂，不過呢個真係仲未接受到。