九重鮮 (已結業)

同舊同學聚聚舊其中有人想食海鮮！於是記得起同事之前講過天后大坑同埋紅磡都有既九重鮮做得唔錯~舊同學都沒有反對我地就去左大坑間分店。坐低之後，有幾種唔同既塔可以簡，眼花撩亂有選擇困難症既我地簡左好耐都唔知簡邊個好！！店員介紹左個新推出既極上鮮活松葉蟹雪濃湯海鮮塔~份量夠哂我地幾個人食！！除番開仲幾抵添wo!! 又有時令既松葉蟹食~正呀！！店員仲拎左「主角」出黎比我地影相！好大隻又生猛眼仔碌碌！之後我地吹下水咁，店員已經準備好哂一層層既海鮮塔開始蒸lu..最頂層等到85度就可以叫店員為我地開蓋啦！！首先出場係個松葉韓牛，用左泡菜包住番牛，食落勁油潤！！肉汁超多好香滑。之後就到「主角」出場，一條條勁長橙紅色既蟹腳勁吸引~每隻腳d肉都係鮮咁甜！！唔使蘸任何醬汁~就已經食出蟹香！其實加加埋埋d蟹肉都唔少！仲有邪惡既蟹膏~好香好正。其餘配角仲有d蝦幾爽口彈牙！花膠魚板串細緻綿綿好補身~其他海鮮蔬菜都幾正幾新鮮。最後個粥底吸受哂所有海鮮精華，本身呢款粥已經有牛骨一齊煮~所以勁好味勁入味~再有d韓式配料可以添落粥一齊食，更加惹味~食到食唔哂仲可以將個粥打包拎走添唔好哂！