家賀屋刺身寿司專門店

記得之前去灣仔食返家賀屋唔錯，今次同朋友去灣仔睇大型月亮，之後再黎回味。特選鮪盛上次食過番尋味，係呢道既王牌食物。一共有6件，吞拿魚、中吞拿魚腩和大吞拿魚腩（每款2件），色澤由紅至粉紅，要由淡味吃到濃味，由潤紅既吞拿魚開始食，鮮味不俗，魚香味濃，色澤鮮豔。第二件中拖羅油脂分布平均，油香味濃第三件大拖羅當然係最肥美，油脂最豐富，夠哂新鮮，味香，有一種入口即溶既感覺。明太子雞翼，外皮金黃色非常香口，又唔會過度油膩，雞翼釀滿脹卜卜的明太子，雞肉鮮嫩，口感豐富，非常滿足。三文魚頭湯 內裏有多片清甜既白蘿蔔 外, 兩件肥美的三文魚頭件, 三文魚香氣濃郁，魚肉嫰滑肥美， 極之鮮香油潤，整個湯味道剛剛好，不會過咸。海膽壽司海膽入口甘甜豐腴，味道相當甘鮮, 味道和質感細軟豐厚, 令人再三回味。蟹膏軍腩蟹膏份量超多，幾乎係滿溢出黎，味道好濃郁，陣陣既蟹膏味，質感細軟又鮮香，鮮味十足。極上花之戀超大份量 ，口感豐盛，三文魚新鮮肥美，咸香脆卜卜既蟹籽加上沙律醬，同埋鮮甜無比既甜蝦，必食。