麗島小廚 (已結業)

今晚同一個唔食辣嘅朋友黎麗島小廚，揀咗椰子雞煲。半隻雞份量好足，上咗湯底再落一個新鮮椰青，令到個湯底嘅椰子味更加香濃。湯滾起再落另上嘅雞，侍應話滾5分鐘就食得，不過食之前先黎個頭啖湯，清香嘅椰子味加上雞香，真係好好味。之後叫埋雲吞、五福臨門(魚滑蝦滑墨魚滑拼盤)、冰豆腐同菜，雲吞好新鮮好食，入面隻蝦夠彈牙；五福臨門入面個黑色墨汁墨魚滑最出色，好香墨魚味；冰豆腐落湯之後好入味，吸滿咗椰子雞湯，所以都係好好食。最後叫咗杯咸檸七，超巨型，可惜唔記得影相。