So Coco (已搬遷) 新店位置

認識so coco此品牌係多年前一杯驚為天人既椰子布甸開始，食完覺得坊間其他全部都比下去。咁完美既布甸唯一小小缺點係售賣點唔算好多，難得經開中環街市，都好想再回味一下。原來除左椰子布甸之外，佢地都積極研發左唔同口味既椰子奶手搖飲品，對於素食者或乳糖不耐症既人士都係福音。睇完十大受歡迎排行榜，就揀左杯有機椰奶桃膠消下暑。起初以為桃膠係要另外加錢，但店員告之係包括在內，感覺仲抵入左，甜度係固定既但唔會太甜，可以自選少冰。飲完無平時珍珠奶茶果種滯膩既感覺，真正健康左，下次仲想試埋椰子奶蓋茶呢！