椰子星球 (已結業)

食完晚餐，又係時候到甜品時間🤭今次發現呢間主打新鮮椰子🥥嘅甜品，又有得試飲鴨屎香檸檬茶，試完覺得味道不錯，買咗啲甜品試下。開心果椰青涷奶涷好多時都係牛奶味，無諗過呢到有濃郁開心果味！每啖口感Q彈香滑，帶有椰青水的清甜。開心果碎另上，保證夠脆身~椰青大大個，裏面裝到好多布丁，份量十足！榴槤 UFO 榴槤果肉、香甜芒果果肉各佔一半，果肉下面有不少寶藏:煙韌嘅小丸子、冰涼透心嘅椰水凍。食到口乾，可以加特調椰汁🥥撈埋不同果肉一齊食，層次豐富！芒芒椰皇燉蛋白蛋白嫩滑無比，牛奶、椰子水份量掌握得好好👍新鮮製造，用料上乘～所有甜品賣相精緻，最有趣當然係個ufo，岩曬我打卡🤭