倫哥火鍋私房菜 (已結業)

上次來吃雞煲，有象拔蚌刺身，每位仲有炆鮑魚一隻， 今次唔知係咪轉左溫泉雞煲打邊爐，刺身同鮑魚都冇得食，感覺上冇咗咁抵食。但無論如何，店員介紹溫泉雞煲係新嘗試，咁都試吓啦。可惜個溫泉底部一啲都唔好食，大大個冬瓜超級硬，根據指示海鮮係要放中間，之後再食冬瓜，個問題係嗰啲冬瓜硬到吃唔到，仲要有晒海鮮嘅腥味，好難食，跟住個冬瓜佔左成半個煲，打邊爐嘅嘢都唔知放邊度，加上佢哋介紹個椰子雞湯係好好味，係今期推介，但飲落我覺得怪怪地，好似係椰青水加鹽咁嘅感覺，真係不吃也罷，我寧願要返刺身和鮑魚。好彩個雞煲都仲維持到之前嘅水準，如果大家只係諗住嚟食雞煲，咁都可以再黎嘅，但我就應該等佢推介完個溫泉雞煲先會再考慮嚟幫襯。🤦🏻‍♀️