同仁四季音樂主題餐廳

之前去過大陸分店，食完覺得幾正，裝修又靚，今次聽到原來香港都開咗同人四季就專登去荃灣試下。香港依間同大陸都一樣提供現場演唱表演，可以比客人一邊聽歌一邊打邊爐。而且餐牌同大陸差唔多，除咗有得打邊爐，仲有燒烤和小食。首先，湯底真係一試難忘，椰子湯底味道鮮甜，雞肉滑。珊瑚蚌口感幾爽，手打蝦丸非常彈牙，山菜亦好新鮮翠綠。椰子水湯底其後再加水，煮其他食物嘅時候依然保存清甜味道。唯燒烤茄子味道比較淡，上菜嘅時候未完全煮熟，吾夠冧身。