157
13
2
等级3
38
1
Friend 子生日正日,所以约佢黎Trois Cafe 朝圣。室内设计行futurist 路线,以珊瑚红为主色,配衬🍬糖果绿色。用色大胆,再加上几何图案装饰,简约、前衞得黎,又不失少女感。Cafe 空间感足,中间放咗一张乒乓枱,客人围住乒乓枱坐,玩味感十足。行入cafe,就彷如置身於虚幻游戏空间,如梦如幻。而Cafe 嘅signature 大圆窗,面向大街,无论系街外向内望,抑或系店内向街外看,都别有一番风味。由於系午饭时间,所以我同friend子都叫咗set lunch。🧒🏻Friend子’s choice ($128):1)🥑炸豆腐配香辣蕃茄酸酱 ⭐️⭐️⭐️ 豆腐外脆内滑。个酱望落似牛油果酱,食落creamy, 但系辣味同酸味就唔太明显。有卖相,但食材各自发挥,缺少咗互相融合嘅美妙。2)🥟素黑松露粉果⭐️⭐️⭐️普通、有黑松露味嘅粉果。不过不失。3)🍔加州素肉扒配炸馒头⭐️⭐️⭐️⭐️⭐️有创意、有样,又有内涵。馒头炸到恰到好处,香口得黎又唔会太油。食得出面团系用靓面粉,而且有咬感。素肉扒肉质同汉堡扒相近,味道方面就靠浓郁嘅BBQ酱,再配合埋牛油果同埋车厘茄,无论外貌或者味道,都可以比得上真正嘅汉堡
更多
Friend 子生日正日,所以约佢黎Trois Cafe 朝圣。


室内设计行futurist 路线,以珊瑚红为主色,配衬🍬糖果绿色。用色大胆,再加上几何图案装饰,简约、前衞得黎,又不失少女感。Cafe 空间感足,中间放咗一张乒乓枱,客人围住乒乓枱坐,玩味感十足。行入cafe,就彷如置身於虚幻游戏空间,如梦如幻。而Cafe 嘅signature 大圆窗,面向大街,无论系街外向内望,抑或系店内向街外看,都别有一番风味。


由於系午饭时间,所以我同friend子都叫咗set lunch。

🧒🏻Friend子’s choice ($128):
1)🥑炸豆腐配香辣蕃茄酸酱 ⭐️⭐️⭐️
豆腐外脆内滑。个酱望落似牛油果酱,食落creamy, 但系辣味同酸味就唔太明显。有卖相,但食材各自发挥,缺少咗互相融合嘅美妙。

2)🥟素黑松露粉果⭐️⭐️⭐️
普通、有黑松露味嘅粉果。不过不失。

3)🍔加州素肉扒配炸馒头⭐️⭐️⭐️⭐️⭐️
有创意、有样,又有内涵。馒头炸到恰到好处,香口得黎又唔会太油。食得出面团系用靓面粉,而且有咬感。
素肉扒肉质同汉堡扒相近,味道方面就靠浓郁嘅BBQ酱,再配合埋牛油果同埋车厘茄,无论外貌或者味道,都可以比得上真正嘅汉堡包。


💃🏻LadyB’s choice($128):
A)🥚铁观音茶叶蛋冷面 ⭐️⭐️⭐️⭐️⭐️
系糖心茶叶蛋!咸香得宜嘅蛋,渗透住淡淡的铁观音茶味,配合埋茶味冷面,成个前菜好有「禅」嘅味道。

B)🐷吉列黑毛猪配日本🍚+🥗 ⭐️
作为主角,呢个菜都算担唔起大旗😮‍💨
猪扒肉韧、有筋。Friend 子觉得系黑毛猪肉质韧,而我就觉得系未炸熟。白米饭卖相靓,但太湿太腍。


👯每个餐跟汤同埋甜品。是日系:
i)🍄忌廉蘑菇汤
足料,多蘑菇🍄。但个汤太稀,缺少咗忌廉蘑菇汤应有嘅浓稠感。


ii)🍵绿茶奶冻
好味!😋 绿茶味同鲜奶味配合得恰到好处,唔会话绿茶味抢咗鲜奶味,或者系鲜奶味抢咗绿茶味,口感滑溜香甜。如果话呢餐午餐系一首🎼管弦演奏曲🎶,有高潮(好味😋),有跌宕(味道不似预期😓),咁呢个甜品就为呢首演奏曲作了一个完美嘅终结。🤗


最後,虽然每个菜式嘅盛载器皿都有佢嘅特色,但系所有菜式都放喺一个铁盆上。呢个presentation同成个餐厅嘅格调,以至装菜嘅碗碟,有种格格不入嘅感觉,系一个败笔。

Overall 嚟讲,欣赏厨师嗰种创新精神,但系有啲菜式就空有外表、没有灵魂。不过公平啲,一个set有咁多个菜式,要做到个个都出色,系有一定嘅挑战性。

环境:⭐️⭐️⭐️⭐️⭐️
服务:⭐️⭐️⭐️
食物:⭐️⭐️⭐️
LadyB CP值:⭐️⭐️
加州素肉扒配炸馒头
39 浏览
0 赞好
0 留言
22 浏览
0 赞好
0 留言
8 浏览
0 赞好
0 留言
6 浏览
0 赞好
0 留言
铁观音茶叶蛋冷面&绿茶奶冻
32 浏览
0 赞好
0 留言
6 浏览
0 赞好
0 留言
8 浏览
0 赞好
0 留言
117 浏览
1 赞好
0 留言
136 浏览
1 赞好
0 留言
156 浏览
0 赞好
0 留言
12 浏览
0 赞好
0 留言
212 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2021-11-04
用餐途径
堂食
人均消费
$128
推介美食
加州素肉扒配炸馒头
铁观音茶叶蛋冷面&绿茶奶冻
  • 加州素玉扒配炸馒头
  • 铁观音茶叶蛋冷面
  • 绿茶奶冻