太興 (沙田廣場)

营业中

休息中

首先上枱係檸檬茶，少茶味而微微偏甜。梅菜扣肉上枱時賣相唔吸引，睇餐牌相片就幾吸引，但現場水準一般，與期望有差別。腩肉嚡口肉味道偏淡，而梅菜就碎濕濕似用機器攪伴過，腩肉與梅菜兩位主角質量一般，米飯軟硬度適中，墊底青菜算可以。其實好多茶餐廳或者小菜館都可以做得比較出色。太興梅菜扣肉煲價錢唔算平宜，好彩當晚有特別優惠，滿$100加$36送半隻雞，算係拉上補下。香茅豉油雞夠味，有微微嘅香茅同埋豉油香味，味道適中，不過啲肉就較嚡，而雞味偏淡。伴碟有簡單裝飾，只有蔥蓉而無甜豉油汁。唔知係唔係潮流少人食薑，抑或啲薑貴，好少食到薑蔥蓉，味道真係爭咁啲，至於碟蔥蓉夠蒽味，不過用鹽非常重手。香茅豉油雞水準好過梅菜扣肉煲。清潔整體算合格，地下睇到好多頭頭屋尾碎片。服務則夠勤快有禮貌，食物上枱從四方八面遞過嚟，前後左右上菜，就算後面隔住埲矮牆都難唔住佢哋遞碗飯過嚟。