影片
更多
2014-03-10
2147 浏览
星期五的晚上同朋友係尖東行完街之後,正當苦惱食咩之際，朋友提議去食中菜，從朋友得知日航酒店的中菜廳『桃李』重新裝修，於是我地就慕名而去。由於我地大約6點半鐘到的關係，餐廳入面仲未坐滿客人，所以店員安排左我地坐窗口位未食飯已經有個靚景，簡直唔錯。當我地講左飲咩茶之後，店員更加會奉上了魚仔花生作餐前小食，整體上感覺唔錯!至於食物方面，經店員介紹得知e個月份做緊懷舊菜，所以我地點左兩樣懷舊菜:『燒金錢雞伴油泡大蝦球』、『海蜇芝麻骨香手撕雞』。另外店員亦都推薦店內的燒味,所以我地亦到點左一道『蜜汁黑豚肉叉燒』。不消一會兒，燒味就到了，黑豚肉叉燒色澤鮮明，叉燒瘦中帶肥，賣相已經滿分。一碟靚叉燒點少得一碗白飯呢，一口叉燒一口白飯，簡直無語倫比。正當我和朋友沈醉於叉燒之際，我地點的懷舊菜都續一送到。首先講一講第一道懷舊菜:『燒金錢雞伴油泡大蝦球』。我和朋友之所以會點e個懷舊菜原因就係金錢雞。據我地所知金錢雞e道菜係出面已經好少地方可以食到，製作過程煩複，師父的手功已經值得一讚。而味道方面，金錢雞咬落軟淋，油份係口入面爆發。反而蝦球略為失色，我和友人估計蝦球應該選用冰鮮，鮮味略為欠缺。而第二道菜:『海
由於我地大約6點半鐘到的關係，餐廳入面仲未坐滿客人，所以店員安排左我地坐窗口位未食飯已經有個靚景，簡直唔錯。當我地講左飲咩茶之後，店員更加會奉上了魚仔花生作餐前小食，整體上感覺唔錯!
至於食物方面，經店員介紹得知e個月份做緊懷舊菜，所以我地點左兩樣懷舊菜:『燒金錢雞伴油泡大蝦球』、『海蜇芝麻骨香手撕雞』。另外店員亦都推薦店內的燒味,所以我地亦到點左一道『蜜汁黑豚肉叉燒』。
不消一會兒，燒味就到了，黑豚肉叉燒色澤鮮明，叉燒瘦中帶肥，賣相已經滿分。一碟靚叉燒點少得一碗白飯呢，一口叉燒一口白飯，簡直無語倫比。正當我和朋友沈醉於叉燒之際，我地點的懷舊菜都續一送到。
首先講一講第一道懷舊菜:『燒金錢雞伴油泡大蝦球』。我和朋友之所以會點e個懷舊菜原因就係金錢雞。據我地所知金錢雞e道菜係出面已經好少地方可以食到，製作過程煩複，師父的手功已經值得一讚。而味道方面，金錢雞咬落軟淋，油份係口入面爆發。反而蝦球略為失色，我和友人估計蝦球應該選用冰鮮，鮮味略為欠缺。
而第二道菜:『海蜇芝麻骨香手撕雞』，手撕雞炒得軟滑，配以西芹、香菇、菜遠等材料，令人食指大動!。加埋涼伴海蜇，簡直雙輔雙承。
而甜品方面，我同朋友都係芒果狂人所以點左『凍香芒布甸』同『香芒軟枕』。『凍香芒布甸』大大個份量十足，而且入面仲有粒粒芒果肉、配以鮮果同埋忌廉奶，簡真滿足身為芒果狂人的我同朋友!!!
跟住到『香芒軟枕』，甜品師父以醹米皮做外皮包住用奶黃漿同芒果肉做涵、配以椰絲點綴醹米皮的外皮。一個值得稱讚的地方就係醹米皮造得軟硬適中，唔會過硬難以入口。但有少少失望的地高就係入面的芒果有d酸，影響左軟枕的味道。
總結，成餐飯感覺唔錯，可以再次光顧。而本人推薦『蜜汁黑豚肉叉燒』同埋『凍香芒布甸』可以一試。黎開尖東而又喜歡食中菜的朋友都可以黎『桃李』一試!!
题外话/补充资料：
用匯豐白金卡同埋日航ge Dining Card 有8折優惠
(以上食记乃用户个人意见 , 并不代表OpenRice之观点。)
张贴
