餐廳裝修乾淨簡潔，今晚安排坐卡位，非常舒適；呢度抽風系統都唔錯，入到店鋪唔會聞倒燒烤味。
點兩杯梳打水解下喝先😁，青檸梳打、柚子梳打，梳打水既解喝又消膩，配韓燒最正飲品。
先點兩個小吃：
🥪和牛三文治，烘過嘅多士包住滿滿半熟和牛，外層脆脆，入邊帶點咸香，入口即溶，滿滿油香，極之推介👍🏻。
🍆擔擔味噌茄子，滿滿味噌鋪面，茄子顏色仍保持鮮度，入口林滑，味噌發輝得好出色，將平平無奇嘅茄子味道提升至高點😋。
前菜都幾多，有泡菜、大豆芽、辣蟹仔、小棠菜、蒜片辣椒，仲有一盤新鮮生菜包。
🥩先來一個壽喜燒和牛西冷😋，大大片，雪花分飛，分怖得好靚，店員協助先以牛脂趟一趟爐，令燒烤網帶上油脂，再放上牛西冷，只須兩邊微微烤烘，點到即止，即時放在碗中，拌勻蛋黃，入口更加順滑，油脂甘香係口腔飛彈，幸福感爆滿😌。
和牛牛肋肉，肥瘦均勻，醃料夠入味，微微帶甜，牛肋肉較有咬口，牛味亦較濃，滿滿牛香係口腔徘徊。
極上黑毛豬梅肉，厚厚的兩大塊，醃料一樣非常入味，呢個燒至外層金黃，外圍略帶微燶，入邊肉汁仍保持充足，，味道真係似食緊舊靚叉燒，口感味道大大滿足。
