3
朋友極力推介呢間潮州菜 性價比高
人均$200就食到潮州手工菜
由潮州老師傅主理 屹立北角超過11年
仲連續8年榮獲米芝蓮必比登推介 果然非同凡響🤤
❣️滷水鵝拼潮汕胡椒雞
呢度嘅滷水鵝咁出名 當然係必點項目啦
雙拼都有好多選擇
鵝腸、墨魚、豬頭肉、豬大腸、紅腸、鵝腎、金錢肚等
我就揀咗胡椒雞 好幸運仲食到雞髀位添
食落有淡淡嘅胡椒香味 雞肉醃得夠入味 而且好滑溜
講返主角滷水鵝 滷得香料味道好平衡 有獨特鹹香
鵝皮應Q彈有嚼勁 帶有滷水的鹹香與膠質口感
肉質飽滿 不乾 冇鵝臊味 而且充分吸收滷水汁香氣
❣️潮式春菜煲
有豬腩肉、蝦米、冬菇 湯頭夠晒濃郁
春菜口感似芥菜 卻沒有苦澀味 蠻清脆爽甜
❣️蒜香骨
一上檯就有濃郁嘅蒜香味 用上一字骨 有嚼勁但食得好方便
伴上香脆的蒜粒同椒鹽 夠晒香口 配飯食一流
