番本日式放題 (已結業) 查看

今晚又约左朋友去食放题，第一次黎番本，每位$218。位置都几方便，一出地铁站行5分钟就到。早左上黎，坐到卡位，可以坐得舒舒服服食一餐好。四周环境唔错，冷气够凉，由于有蒸气海鲜锅食，所以初时都担心食食下会好热，但又好彩冇，系一个舒适嘅地方。食物选择实在好多，Menu劲厚！A至M嘅点菜纸，令我地急不及待喺点餐纸上疯狂地点剔。一点完野食就行个圈睇下有咩饮。清酒/梅酒喺任何时段都都无限任饮，猪唔好杯中物，不过都叫左杯黎试下，冰冻梅酒都几清暑。例牌一定系点盘刺身，甜虾好新鲜，猪一口气食左8只。另外三文鱼、吞拿鱼、带子等等都鲜甜有水准。而寿司跟同刺身一样，冇令人失望。基本上你想食嘅款式都即叫即做，件件都又大又厚 ，我地叫左好多唔同款，推荐泰式虎虾同火炙三文鱼寿司。之后仲叫左炸鸡软骨， 吉列鱿鱼圈， xo酱炒墨鱼咀，红酒牛腩等等，全部都好好食，特别要讲牛腩好腍好入味。叫左个蟹粥暖下胃，唔会太咸，味道唔错。而呢度亦有第二个特色，就系蒸气锅。见到个锅就会谂起越南，好可爱。我地order左扇贝，虾，鱼，冬菇，菜。初时谂住可能会清清地，冇乜味，要加调味料。但入口又食到海鲜同娃娃菜嘅鲜甜味，个人非常欣赏。食埋