影片
更多
2023-01-16
17 浏览
最近食家朋友介紹林村有一間接近開業三十年嘅人氣園林餐廳一定要搵個週末要入去放鬆心情去食餐飯，仲話餐廳俾到人在外地旅遊嘅世外桃源感覺。聽完一於就weekend 帶埋好姊妹去食個dinner。餐廳location 唔會話好難搵，村口行過天后廟就見到。餐廳入口經過一條小橋，橫越錦鯉魚池後就有如另一個世界， 歐陸式嘅庭園建築風格，圍繞住餐廳嘅係幾間西式嘅小木屋，每間都係獨立包廂。帶有古典氣息之餘私隱度高。園林中仲有唯一別樹一格嘅全木涼亭，泰國東南亞味道十足。望住荷花池，鳥語花香嘅環境，未食已經心情舒暢。計返二人餐嘅性價比非常高，仲要菜式都夠哂吸引。凱撒沙律羅馬生菜夠fresh, Cesar dressing 唔會太creamy 過分地膩。Homemade 嘅麵包粒topping 值得一讚。燒焗日本黃金帆立貝邪惡芝士醬焗嘅帆立貝絕對冇得輸，大大粒肉質彈牙夠哂鮮味。酥皮焗龍蝦湯細細個食西餐成日都會飲到，反而人大咗就愈嚟愈少見。酥皮鬆軟，龍蝦味十足。法國野菌湯野菌湯唔會太creamy 太厚，反而突出咗野菌味。黑松露醬作點綴味道剛剛好。燒伊利比亞黑豚扒頗有驚喜幾一道菜，黑豚扒肉汁鮮嫩，肉質實淨而帶有香
最近食家朋友介紹林村有一間接近開業三十年嘅人氣園林餐廳一定要搵個週末要入去放鬆心情去食餐飯，仲話餐廳俾到人在外地旅遊嘅世外桃源感覺。聽完一於就weekend 帶埋好姊妹去食個dinner。餐廳location 唔會話好難搵，村口行過天后廟就見到。
餐廳入口經過一條小橋，橫越錦鯉魚池後就有如另一個世界， 歐陸式嘅庭園建築風格，圍繞住餐廳嘅係幾間西式嘅小木屋，每間都係獨立包廂。帶有古典氣息之餘私隱度高。
園林中仲有唯一別樹一格嘅全木涼亭，泰國東南亞味道十足。望住荷花池，鳥語花香嘅環境，未食已經心情舒暢。
計返二人餐嘅性價比非常高，仲要菜式都夠哂吸引。
凱撒沙律
羅馬生菜夠fresh, Cesar dressing 唔會太creamy 過分地膩。Homemade 嘅麵包粒topping 值得一讚。
燒焗日本黃金帆立貝
邪惡芝士醬焗嘅帆立貝絕對冇得輸，大大粒肉質彈牙夠哂鮮味。
酥皮焗龍蝦湯
細細個食西餐成日都會飲到，反而人大咗就愈嚟愈少見。酥皮鬆軟，龍蝦味十足。
法國野菌湯
野菌湯唔會太creamy 太厚，反而突出咗野菌味。黑松露醬作點綴味道剛剛好。
燒伊利比亞黑豚扒
頗有驚喜幾一道菜，黑豚扒肉汁鮮嫩，肉質實淨而帶有香濃嘅燒烤味。熟成度達至大約八至九成左右，中心仲帶有住粉紅色嘅嫩肉。
燒安格斯肉眼扒
西餐剧扒可以話係指定動作，而且grill 嘅扒就一定係必點。肉眼扒今次叫咗medium rare 嘅熟度，粉紅色嘅肉同汁緊緊鎖住喺燒脆咗嘅外層之內，燒肉嘅香氣撲鼻。
火焰雪山
好有舊式情懷嘅甜品，已經唔係成日食到，店員力推！ 打卡絕對係視覺滿分！
桂花烏龍
每啖香濃嘅鳥龍茶都帶住幽香嘅桂花味。入口先係烏龍嘅微苦後澀，再嚟後段嘅回甘桂花香，層次十足。
黃金樹下
兩種黃金色嘅生果配搭，係有先菠蘿同埋芒果打成嘅沙冰，夏日風情十足！雖然係冬天，但坐喺一個咁有異國情調嘅餐廳，啖啖沙冰都有如帶咗我去泰國一樣。
张贴
